1978 yil Nukus shahrida tug‘ilgan. 2002 yilda Toshkent Pediatriya tibbiyot institutining Nukus filialini imtiyozli diplom bilan tugatdi va shu yili O‘zbekiston Respublikasi Sog‘liqni saqlash vazirligining Dermatologiya va venerologiya ilmiy-tekshirish institutida «Teri va tanosil kasalliklari» bo‘yicha aspiranturaga o‘qishga kirdi. 2007 yilda tibbiyot fanlari nomzodlik dissertatsiyasini himoya qildi. Kelajakda u o‘zining amaliy faoliyatini (Toshkent sh. Bektemir tumanidagi dermatovenerolog sifatida 2005-2020 yy) ilmiy ishlari bilan (O‘zRSSV Dermatologiya va venerologiya ilmiy- tekshirish instituti ilmiy xodimi 2005-2008 yy) muvaffaqiyatli birlashtirdi. 2020 yilda Toshkent Davlat stomatologiya institutiga kafedra dots.nti sifatida ishga qabul qilindi. 2023 yilda Pyagay G.B. dermatovenerologiya bo‘yicha dots.nti unvoniga sazovor bo‘ldi. 2024 yilda tibbiyot fanlari doktorlik dissertatsiyasini himoya qildi va 2025 yilda TDTU 2-sonli Dermatovenerologiya va kosmetologiya kafedrasi professori lavozimiga tanlovdan o‘tdi. Uning 130 ga yaqin ilmiy maqolalari, jumladan monografiyalar, ixtirolar, jurnal maqolalari, shifokorlar uchun tavsiyanomalar, talabalar, klinik ordinatorlar va magistrlar uchun o‘quv va o‘quv-metodik qo‘llanmalari mavjud. Toshkent va Toshkent viloyati Dermatovenerologlar jamiyati, O‘zbekiston Dermatoonkopatologlar, dermatoskopistlar va kosmetologlar assotsiatsiyasi, xalqaro Dermatologlar jamiyati a’zosi. «Markaziy Osiyo tibbiyot universiteti» xalqaro tibbiyot universitetining «ACTA CAMU» ilmiy jurnali tahririyati a’zosi. 2025 yil avgust oyidan Toshkent davlat tibbiyot unversiteti 2-son dermatovenerologiya va kosmetologiya kafedrasi professor lavozimida ishlab kelmoqda.